RC Oufitters_Mammut in Apple Daily Review

日本大熱長毛象　行版超平曝光

2002年03月16日

戶外品牌以前就係俾人爬山用，唔專業人士都唔會用，但唔知幾時開始就有日本仔將戶外用品帶入潮流界，最出名自然有 L.L. BEAN 同埋 Gregory ，而一早已被日本仔捧上神

之一的長毛象 — — MAMMUT ，最近亦有代理返貨，以前下下過千，如今價錢就比之前平了一大截，不過貨量始終少，而返貨期又唔定，要入貨就要行多幾轉，想春夏換個 American Style ，可以去諗諗。

記者：馮彥彰　攝影：伍慶泉

日本雜誌谷起長毛象
瑞士 Outdoor 品牌 Mammut ，其實係專業行山品牌，唔係俾人出街用，之不過日本雜誌成日狂谷，係唔少鍾意 American Style 人士所追棒，可惜香港人未識貨，等到日本仔《 Boom 》講完又講，新宿人氣百貨店 Beams 推波助瀾後，《 SMART 》內 Snap Shot 街頭照又狂影，先被港人發現，曾被炒的貨品靜靜咁係旺角有代理，價錢足足比日本平一大截！

大熱背囊必入！
買 Mammut 只會買佢一樣

，就係背囊！因為手工好，而且顏色靚，四季用都易襯衫，一個好手氣俾你搵到個歐洲製造的就更好！因為大部分已改由越南製造了，冇以前咁矜貴。不過話說回來，邊度造都用料特正，而且內有多格，睇睇行版有乜好貨先。


	■ 最快斷貨的 Maloja 一直都最好賣，大概與在日本書出現率極高有關係。


	■ 橙色 Netwalker 一向得日本仔鍾意，而且重賣緊萬幾 Yen ，家幾百有交易。


	■ 個橙色袋出街唔係人人受，低調可揀 Spider灰 x 綠背囊。


	■ 藍 X 灰 Gateway

02 冬天貨提早半年睇
2002 年冬天有排都重未到，但老闆好好人，靜靜將小量貨辦推出畀大家睇睇，當中以紅色最搶眼，預計九、十月會到貨，話唔定會有機會早到呢，大家要行多兩次睇睇。


	■ Speed Light 5L細細個，係畀小朋友用的，今年 2002 Winter version 。


	■ Speed Light 35L 同樣係今年冬天版，以紅色為主，出街用特別 Sharp ！

長毛象由造繩起家
長毛象 Mammut （音：馬乜），來自瑞士，係專出爬山用品，原本只作專業用，但被潮流界人士

出街後走紅！由於外形特別，而且 Logo 長毛象又特別多人鍾意，所以日本價錢勁貴，之前香港都曾炒過一輪，但相信有代理後會好好多！ Mammut 一早由 Kaspar Tanner 所創立，數數手指由創立品牌 1862 年到今，都有百幾年歷史，最初只係一家造繩廠，至 1971 年才開設第 2 家工廠，專門以現代技術開發攀山產品， Mammut 最正係每件貨由紡紗到成衣都由佢

公司一手包辦，每條線都經最嚴格品質管理，想唔好都難。


	■ 當年 Mammut 只是一小間製繩廠。


	■ 今日的新廠房當然巴閉，面積達 10 萬 6 千平方米。


	■ 造繩起家，今日一入 Mammut 網頁就見繩。攀山時人命懸於一繩，當然集高科技於一身！

想知多

可以去佢地個網站睇睇：
www.mammut.ch/english/frame.htm

衣衫都係長毛象
除了背囊，重有大量外套， Gore tex 風褸賣，不過香港天氣開始熱，相信冇乜人會再買褸，不如睇睇春裝，由衫到鞋都有，加上貨量唔多，唔怕同人撞衫。至於用料方面，同樣以針對戶活動為主，輕身及疏汗，買埋背囊真係可以做一個長毛象人。


	■ Cap 帽，毋須捱炒價有交易。


	■ 大量印有長毛象 Logo 的 Tee ；而黃色 Tee 物料極輕身！


	■ 褲重多功能為主，所以好多袋，呢條 Sunzip Pants 用來襯 Nike Force 最好。


	■ 另一長毛褲，則袋特大，極有板仔 Feel 。

長毛象又關電影事？
長毛象大熱必定紅？點解，除了日本仔美國佬鍾意外，最緊要係

緊有相關電影上畫，好似

緊霍士就有套電腦動畫推出：《冰河世紀》，專講長毛象的，話說兩萬年以前，當冰河世紀還未正式來臨，大量動物南下求生。主角長毛象及朋友發現一個男嬰開始，當中少不了感人及緊張加煽情內容，如何合力度過難關，及一個又一個危機．唔知會否為長毛象產品殺出一條新血路呢。可以去網址（ www.iceagemovie.com/ ）睇睇，美國 23 日上畫。

售賣點：
毅成戶外用品
地址：旺角彌敦道 518 號彌敦行 9 樓 B 座
電話： 2390 0020

Back to [Press]